მექსიკელი სპეციალისტი ხავიერ აგირე „ლურჯ სამურაებს“ ჩაუდგება სათავეში.
მოგეხსენებათ, რომ მიმდინარე მსოფლიო ჩემპიონატის ჯგუფურ ეტაპზე, იაპონიის ნაკრების წარუმატებელი ასპარეზობის შემდეგ, ალბერტო ძაკერონი გადადგა გუნდის მთავარი მწვრთნელის პოსტიდან, მის შემცვლელად კი საფეხბურთო კლუბ “ესპანიოლის” ყოფილი თავკაცი, ხავიერ აგირე განიხილება, რომელსაც 4-წლიან კონტრაქტს, სავარაუდოდ, ივლისში გაუფორმებენ.
შეგახსენებთ, რომ ხავიერ აგირე ასევე გახლდათ მადრიდის “ატლეტიკოს” მთავარი მწვრთნელი 2006-2009 წლებში.