იტალიის ეროვნული ნაკრების ფეხბურთელი გრაციანო პელე კარიერას ”შანდონგ ლუნენგში” გააგრძელებს.
აღნიშნულ ინფორმაციას ჩინური კლუბის ოფიციალური ვებგვერდიც ადასტურებს. ცნობილია, რომ ”საუთჰემპთონი” პელეს გაყიდვით 13 მილიონ ევროთი გამდიდრდა.
31 წლის თავდამსხმელი ”შანდონგ ლუნენგში” გატარებულ 2,5 წელში 40 მილიონ ევროს მიიღებს.
შეგახსენებთ, რომ გრაციანო პელე ”წმინდანების” რიგებს 2014 წელს, ”ფეინოორდიდან” შეუერთდა. გასულ სეზონში ფეხბურთელმა ”საუთჰემპთონის” მაისურით ჩატარებულ 36 შეხვედრაში 14 გოლის და 7 საგოლე გადაცემის შესრულება მოახერხა.