“მანჩესტერ იუნაიტედის” თავდამსხმელმა ზლატან იბრაჰიმოვიჩმა, შესაძლოა, ჩინეთს მიაშუროს. 35 წლის ფეხბურთელმა აზიიდან საკმაოდ სარფიანი შემოთავაზება მიიღო.
“სქაი სპორტსის” თანახმად, ერთ-ერთი ჩინური კლუბი მზად არის, შვედი თავდამსხმელი მსოფლიოს ყველაზე მაღალანაზღაურებად ფეხბურთელად აქციოს. შეგახსენებთ, რომ დღესდღეობით ამ სტატუსით “შანხაი შენჰუას” არგენტინელი ფორვარდი კარლოს ტევესი სარგებლობს, რომელსაც კვირაში ჯამაგირის სახით 720 ათასი ევრო ეძლევა.
ზლატან იბრაჰიმოვიჩს “წითელ ეშმაკებთან” მოქმედი კონტრაქტი მიმდინარე სეზონის ბოლოს ეწურება, თუმცა არ არის გამორცხული, რომ შრომითი ხელშეკრულება კიდევ ერთი წლით გახანგრძლივდეს.
ინგლისის პრემიერლიგის მიმდინარე გათამაშებაში შვედმა ფეხბურთელმა 25 მატჩი ჩაატარა, 15 გოლი გაიტანა და სამი საგოლე გადაცემა შეასრულა.